ජපානයේ ප්‍රාථමික පාසල් සිසුන් උදෑසන 8:30ට පමණ පාසල වෙත යෑමට පුරුදු වී සිටියි.
ජපානයේ විවිධ පාසල් වලට අනුව ආරම්භ වන වේලාව වෙනස් වෙයි. ජපන් ජාතික ළමුන් පාසලට යෑමේ දී තනියම නොව, තම නිවෙස් අසල එක් ස්ථානයකට සියලු දෙනාම එක්රැස් වී එක්ව පාසල් යන අවස්ථාව ඉතාම බහුලයි. මෙලෙස සියලු දෙනාම සමඟ එක්ව පාසල් යෑම ජපන් භාෂාවෙන් ‘ෂූදන් තෝකො’ යැයි කියනු ලබයි.
පාසල ආරම්භ වීමට පැයකට පමණ පෙර ‘අස නො කයි’ එනම් උදෑසන රැස්වීම් පවත්වනු ලබයි. මෙම උදෑසන රැස්වීමේදී පාසලින් දුන් ගෙදර වැඩ එකතු කිරීමත්,ගුරුවරුන් විසින් එදිනට අදාළ සියලු නිවේදන ලබාදීමත් කරනු ලබයි.
උදෑසන පාසල් කාලය පැය 4ක් පමණ වේ. සෑම පාඩමක් අතරම විනාඩි 10 ක පමණ කෙටි විවේක කාලයක් තිබේ. පැය 2ක් සහ පැය 3ක් අතර විනාඩි 20ක පමණ තරමක් දිගු විවේක කාලයක් තිබේ.
උදෑසන කාලයේ සහ පස්වරු කාලයේ පාඩම් අතරතුර, විවේකීව ආහාර ලබා ගැනීමට වේලාවක් තිබේ. ආහාර ලබා ගැනීමෙන් පසු විනාඩි 30ක පමණ තරමක් දිගු වේලාවක් විවේකීව ගත කිරීමට වෙන් කර තිබේ. විවේක කාලය අවසන් වූ පසු සියලුම ළමුන් එක්වී පිරිසිදු කිරීම් කරනු ලබයි.සියළු දෙනා එක්ව තම පංති කාමරය මෙන්ම කොරිඩෝව ද ඉතා හොඳින් පිරිසිදු කරනු ලබයි.
දහවල් පාසල් කාලය පැය 5ක් පමණ වේ. පාසල් ආරම්භක මුල් කාලයේදී , දහවල් පාසල් කාලය පවත්වන්නැති අවස්ථා ද තිබේ. දහවල් පාසල් කාලය අවසන් වූ පසු 「කඑරි නො කයි」එනම් පාසල් අවසන් රැස්වීම් පවත්වනු ලබයි. මෙම පාසල් අවසන් රැස්වීමේ දී ගුරුවරුන් විසින් නිවේදන ලබාදීමත් ඊළග දිනයේ ගෙදර වැඩ ලබාදීමත් කරනු ලබයි.පාසල අවසන් වී නැවත තම කණ්ඩායම සමගම නිවෙස් වෙත ආපසු ගමන් කරයි.
ජපානයේ ප්‍රාථමික පාසල් බොහොමයක් සඳුදා, අඟහරුවාදා, බදාදා, බ්‍රහස්පතින්දා, සිකුරාදා වන අතර සෙනසුරාදා , ඉරිදා සහ ජාතික නිවාඩු දිනවල පාසල් නිවාඩු වේ.
ජාතික නිවාඩු දින යනු ජපන් රජය විසින් තීරණය කරන ලද දින වන අතර, එම දිනයන් නිවාඩු දින ලෙස නම් කර ඇත.
